पर्वत २७ मंसिर
पर्वतको सुदुरदक्षिणका तीन गाविसमा कार्यरत स्वयंसेविकाहरुलाई अपाङ्गता सम्बन्धि सचेतना कार्यक्रम साचालन भई सम्पन्न भएको छ । अपाङ्गबाल अस्पताल पुनस्थार्पना केन्द्र बनेपा बाग्लुङको सहयोगमा इन्प्रेड नेपाल र अपाङ्गउत्थान समाज पर्वतको संयोजनमा शुक्रबार भएको उक्त कार्यक्रममा फलामखानी लुंखु र पाखापानीका २७ जना महिला स्वयंसेविकाहरुको उपस्थिति रहेको थियो ।
स्वयंसेविकाहरुले सामाजिक रुपमा सचेतना जगाउन सहयोग पुर् याउने मुल उद्देश्यले उनीहरुलाई अपाङ्ग व्यवस्थापन सम्बन्धि सचेतना जगाएको अपाङ्ग बाल पुनस्र्थापना केन्द्र बाग्लुङका लक्ष्मण थापाले जानकारी दिए । सामाजिक रुपमा अपाङ्गहरु अपहेलित बनेका र त्यस्ता कार्यलाई निरुत्साहित गर्न सहयोग पुर् याउन स्वयंसेविकालाई सचेतना जगाएको उनले बताए ।
कार्यक्रममा पुनस्र्थापना केन्द्र बनेपा बाग्लुङका लक्ष्मण थापा र जीवन केसीले सहजीकरण गर्नुभएको अपाङ्ग उत्थान समाजका सामाजिक परिचालक यज्ञ पौडेलले जानकारी दिए ।
No comments:
Post a Comment