पर्वतका कर्मचारी माओवादी विरुद्ध आन्दोलित

पर्वत ८ पुस
एकिकृत नेकपा माओबादीका कार्यकर्ताले आमहड्तालको अबज्ञा गरेको भन्दै कार्यालयमा काम गरिरहेका अवस्थामा कर्मचारीहरुमाथि कुटपिट गरेपछि पर्वतका सरकारी कार्यालयमा कार्यरत कर्मचारीहरु माओवादीको विरुद्धमा आन्दोलित बनेका छन् । माओवादीले नागरिक सर्वोच्चताका लागि तेश्रो चरणको आन्दोलन कार्यक्रम अन्तर्गत घोषणा गरेको तीन दिन आमहड्तालको दोश्रो दिन गत सोमबार मालपोत कार्यालयका पाँच कर्मचारीमाथि हातपात गरेका थिए । कर्मचारीहरुले अन्य जिल्ला शिक्षा कार्यालय कोष तथा लेखा नियन्त्रक कार्यालयमा समेत पसेर काम गरिरहेको अवस्थामा कर्मचारी माथि धम्कीपूर्ण व्यवहार गरेको भन्दै बुधबार जिल्ला प्रशासन कार्यालयमा दुई घण्टा धर्ना दिएका छन् । माओवादी कार्यकर्ताबाट मालपोत कार्यालयका लेखापाल कृष्ण शर्मा नासु धर्मदत्त शर्मा खरिदार मातृकाप्रसाद रिमाल कम्प्युटर अपरेटर राजिव शर्मा र कार्यालय सहायक कृष्ण गौतम माथि हातपात गरेका थिए ।नेपाल निजामति कर्मचारी संगठन र नेपाल निजामति कर्मचारी युनियन द्वारा संयुक्त रुपमा आयोजित उक्त धर्ना कार्यक्रममा राष्ट्रिय कर्मचारी संगठनले भने सहभागिता जनाएको थिएन । कर्मचारीहरुले दोषीमाथि कडा कारवाहीको माग गर्दै जिल्लाका सबै सरकारी कार्यालयमा काम बन्द गरि आन्दोलनमा उत्रिएका हुन् । आन्दोलनरत कर्मचारीले बुधबार दुई घण्टा जिल्ल्ाा प्रशासनमा धर्ना समेत दिएका छन् भने विहिबार १० बजे देखि १२ बजेसम्म कमल बन्द गर्ने कार्यक्रम घोषणा गरेका छन् । ुयो समयसम्म दोषीमाथि कार्बाही नभए हामी थप संघर्षका कार्यक्रम घोषणा गर्ने छौंु कर्मचारी संगठनका अध्यक्ष रामजीप्रसाद पौडेलले बताए । उनीहरुले राजनैतिक दल र कर्मचारीका पेशागत संगठनले समाधान ननिकाले सम्म काममा नफर्कने भन्दै समस्या समाधानका लागि पहल गरिदिन प्रुमख जिल्ला अधिकारीसमक्ष माग गरेका छन् । कर्मचारीको सुरक्षाकॊ प्रत्याभुति नभएसम्म आन्दोलन नरोकिने नेपाल निजामति कर्मचारी युनियनका अध्यक्ष परशुराम पुरीले बताए ।