पर्वतमा सुन्तला महोत्सव शुरु

पर्वतमा नेपालमा नै पहिलो पटक सुन्तला महोत्सव मंगलबार देखि शुरु भएको छ । जिल्लामा उत्पादित सुन्तला लगायत अन्य घरेलु कृषिजन्य उत्पादनहरुको प्रर्बद्धन गर्ने उद्देश्यले मंगलबारदेखि विहिबार सम्मुलघु घरेलुबन जन्य बस्तुहरुको प्रर्दशनी तथा सुन्तला महोत्सब-२०६६ु आयोजना गरिएको हो ।
महोत्सवमा स्थानिय उद्यमीहरुले उत्पादन गरेका कृषि तथा वनजन्य सामाग्रीहरु र सुन्तलाहरु प्रर्दशनीमा राखिएको छ । महोत्सवमा लघु घरेलु कृषिजन्य जडिवुटीका उद्यमीहरु प्रोत्साहन गर्ने जिल्लामा उत्पादित सुन्तलाको वजारीकरण प्रचार प्रसार तथा प्रवद्र्धन गर्ने लोपोन्मुख संस्कृतिहरुको संरक्षण गर्ने र लोक संस्कृतिको जगर्ना गर्ने मुख्य उद्देश्य रहेको छ ।
महोत्सवमा प्रबेश स्टलको निशुल्क व्यवस्था गरिएको छ । महोत्सबमा ५० हजार भन्दा वढि दर्शकले अबलोकन गर्ने अनुमान गरिएको आयोजकले जनाएको छ । ुसाना उद्यमीहरुले स्टल भाडा तिरेर सामान ल्याउन नसक्ने भएकाले बजार प्रबद्र्धनमा सघाउ पुगोस् भन्ोर निशुल्क व्यवस्था गरिएको आयोजक समितिका संयोजक शिवशर्मा पौडेलले जानकारी दिए ।
महोत्सवमा ६० स्टल राखिएका छन् । विशेष गरी उत्तरी पर्वतमा पाइने अल्लोका कपडा पातिचौरमा ढाका उत्पादन केन्द्रमा बनेका ढाकाका सामाग्रीहरु बँँसखर्कको सुन्तलाको सर्बत देखि लप्सी अदुवा क्याण्डी मह आरुबखडा र नास्पतीको जाम जैविक कफी हस्तकला काष्ठकला सुधारीएको चुल्हो बनमाराबाट तयार पारिएको वि्रकेट फलामबाट बनेका सामानहरु जस्ता पर्वतका गाउँगाउँमा हुने उत्पादन समेत प्रर्दशनी र बिक्रीका लागि राखिएको छ ।
महोत्सवको शुरुको दिन पाँच पाचेबाजा समुहबीच पाचेबाजा प्रतियोगिता साचालन गरिएको थियो । प्रतियोगितामा भुकताङ्ले खुर्कोट कटुवाचौपारी माझफाँट र लेखफाँटको समुहले भाग लिएका थिए ।
नेपाल घरेलु तथा साना उद्योग महासंघ पर्वत र जिल्ला विकास समिति पर्वतको मुल आयोजनामा साचालन भएको उक्त महोसत्वको मंगलबार कुश्माबजार स्थित नेपाल घरेलु तथा साना उद्योग महासंघका राष्ट्रिय अध्यक्ष लता प्याकुरेलले उद्घाटन गरेकी थिइन् । उनले कार्यक्रममा बोल्दै स्थानीय रुपमा उत्पादन तथा तयार भएका सामाग्रीहरुलाई प्रयोगमा जोड दिन आग्रह गरेकी थिइन् । गुणस्तरहीन बजारीय सामाग्रीहरु प्रयोग भईरहेकाले उद्यमीहरु निरुत्साहित बन्दै गएको गुनासो समेत उनले गरिन् । ुउद्यमीहरुलाई फसल उत्पादन तथा सामाग्री निर्माणमा प्रोत्साहन गर्न स्थानीयस्तरमा नै खपत गर्न तत्पर हुनुपर्छु उनले भनिन् ।