भाइरल ज्वरोको प्रकोपले बिद्यालय बन्द

पर्वत २८ साउन
पर्वत जिल्ला तिलाहार गाबिसको डिमुवा प्राथमिक बिद्यालयमा भाइरल ज्वरोको प्रकोप बढेपछि बिद्यालय बन्द भएको छ । एक साता देखि फैलिएको ज्वरोका कारण विद्यार्थीहरु विरामीहुने क्रम नरोकिएपछि बिहीबार देखि बन्द भएको हो ।
बिद्यालयमा तीन दर्जन भन्दा बढी बिद्यार्थी बिरामी परेका छन् । बिद्यार्थीमा रुघा लाग्ने ज्वरो आउने र घाँटीमा समेत संक्रमण देखिएको विद्यालयका शिक्षक विकास लामिछानेले जानकारी दिनुभयो । बिरामी भएका बिद्यार्थीलाई घरमा आराम गर्न र खानेकुरामा ध्यान दिन सल्लाह दिइएको उहाँले बताउनुभयो । आइतबार बिद्यालय खुल्ने र समस्या देखिमा फेरी बिद्यालय बन्द गर्ने निणर्य पनि भएको छ ।