पुर्व खेलाडीको सहयोगमा अचलस्तरीय रनिङ शिल्ड

पुर्व खेलाडी तथा कलाकार शंकर लामिछानेको सहयोगमा पर्वतमा अाचलस्तरीय रनिङ शिल्ड भलिबल प्रतियोगिता आयोजना गरिएको छ । लामो समयदेखि जिल्लामा खेल गतिविधिहरु शुन्य वनिरहेको वेला पर्वत जेसिजले लामिछानेको सहयोगमा अहिलेसम्मकै उच्च पुरस्कार राशीको प्रतियोगिताको आयोजना गरेको हो ।
शिवालय ४ घर भई रोजगारीका लागि अस्ट्रेलिया बस्दै आएका शंकर लामिछानेले प्रतियोगिता साचालनका लागि आर्थिक सहयोग उपलब्ध गराउनुभएको हो । उहाँले केही समय अगाडि पर्वत जिल्लाको खेदकुद विकासका निम्ति मासिक १५ हजारको दरले सहयोग उपलब्ध गराउने प्रतिबद्धता जनाउनुभएको थियो ।
पर्वत जेसिजले लोकतन्त्र दिवसको अवसर पारेर बैशाख ११ र १२ गते गरी दुई दिन सम्म प्रतियोगिता साचालन गर्ने भएको हो । प्रतियोगितामा धौलागिरि अाचलका पर्वत वाग्लुङ्ग म्याग्दी र मुस्ताङका खेल समुहहरु सहभागी गराइने भएको छ । गाउँगाउँमा रहेका खेलाडीहरुलाई प्रवद्र्धन गर्ने उद्देश्यले उक्त प्रतियोगिता गर्न लागिएको पर्वत जेसीजका अध्यक्ष प्रकाश कर्माचार्यले वताउनुभयो ।
प्रतियोगितामा प्रथम हुनेलाई २५ हजार नगद शिल्ड र प्रमाणपत्र द्धितियलाई १५ हजार मेडल र प्रमाणपत्र तथा तृतियलाई १० हजार मेडल र प्रमाणपत्र पुरस्कार राशी तोकिएको छ । खेलाडीहरु आकर्षणका लागि छिमेकी जिल्लाका उद्योग वाणिज्य संघ खेलकुद विकास समिति र जेसीजका शाखाहरुसँग समन्वय गरिएको छ । प्रतियोगिताको तयारीका लागि विभिन्न उपसमितिहरु गठन गरिएको छ । जसमा संयोजक खड्गवहादुर गुरुङ्ग आर्थिक संयोजक राजन जोशी प्रचारप्रसार संयोजकमा राजनकुमार जोशी व्यवस्थापन संयोजकमा युवराज पुन स्वयंसेवक संयोजकमा जिवन पुन सुरक्षा संयोजकमा अशोक गुरुङ्ग उद्घाटन व्याच तथा माच व्यवस्थापनमा रविन कुमार जोशी रहनुभएको छ ।